其實我認為我係一個幾負面嘅人。唔好睇我平時笑笑口，同邊個都玩得埋，當我同一個人相處得耐嘅時候就好容易發現佢身上嘅缺點。偶爾同友人傾起呢樣嘢，我哋都不約而同咁覺得自己唔係好掂，好似咁諗對你好嘅人唔係好好。然而，每當我同班friend玩到5點而6點先返屋企嘅時候，我一d都唔享受玩嘅過程，內心會感到無比嘅自責；每當佢地週末又約出街嘅時候，我又感受到強烈FOMO，覺得自己被left out。
喺做friend嘅層面上，站喺功利主義嘅角度去諗，我的確有責任去群一班對我身心成長有益處嘅人。就呢一點，我覺得我而家嘅friend就只可以當做酒肉朋友，想交心都交唔到。儘管我真心當佢哋係friend，我不禁係腦海裏用IES嘅format analyze「呢個squad對我more harm than good嗎」。
我細個認為講「君子之交淡如水」嘅人一定冇friend。但係我依家諗吓諗吓，我當年應該係get錯咗，呢句話嘅後幾句蘊藏左莫大嘅智慧。「君子之交淡如水，小人之交甘若醴；君子淡以親,小人甘以絕。」，意思就係君子之交因為出於真心，所以可以細水長流。而小人之交之所以來往親密，係因為大家有利益關係，所以容易斷絕。講到尾，呢句話想講君子同小人嘅分別在於你交情嘅foundation係邊，係付真心定為利益。
終於要入正題。我從來都唔知我自己究竟外向定內向，應該係又社牛又社恐嘅ambivert；而經過一個好瘋狂好癲好好玩嘅夏天之後，我嘅social battery已經被玩殘。暑假過後，我好想返去一個人努力學習，鼓足幹勁力爭上游咁讀書嘅日子；而我班friend日日就係識得玩，日日玩到8/9點，成個腦就係玩。而每一次玩，除左飲酒、打保齡、dok波、唱K之外，基本上冇其他野做。難到大人嘅生活就如此而已？我唔係唔鍾意佢地，但係我好掛住好想retract返去我冇friend嘅日子。係咪好折墮呢？
依樣野要追溯返去我細個嘅經歷。我從小一開始，每年辛辛苦苦組織嘅家庭都會被分班拆散。當年小三插班，我更係被迫係一個所有人都互相認識嘅地方識friend。之後係中學，我雖然有一個固定的屋企(lunch table)，我習慣都係每一個環境有每一班friend。所以，我squad hopper嘅天性，都唔知究竟係nature定nurture。到依家，我都唔可以俾一個squad/朋友圈子tie down， 只有交心嘅知己先係永久嘅。就我呢個squad，我依家有如此自私嘅諗法，可能因為我係有小人嗰種為尋歡、為利益而交朋友嘅潛意識同大學嘅人做friend。用現代話講，就係圍爐取暖、水泡friend。
宜家呢個squad咁困身，我唔多唔少都係有責任嘅。我唔忍心將自己一手打造嘅嘢拆散，亦都唔想因為我自己嘅反思而糟蹋別人嘅幸福。呢個係我經過反覆思考得出來嘅結論，「冇用嘅嘢就唔好留」。 我應該唔會同佢地講，費事confrontation感情。事到如今，我只可以淡出所有嘅活動，盡量唔俾自己FOMO落去。又唔係冇friend做，見好就收啦。唔好意思，我d friend好乸煩；呢個係我對自己人生嘅責任嘅reprioritzation，BBL之一嘅斷捨離，就係呢到立個flag啦。
可以斥我古板 我不再需要天天新款
〔或這是對的 或這是錯的〕
曾經喜歡拼盤 如今很需要真友伴
知妳不滿都好 仍未能奉陪伴著妳玩
〔就算極刺激 亦竭力壓抑〕
明知假使放寬 明朝一醒我心更苦悶
潮流興多花款 隨便偷歡
潮流興將不羈當作新基本
但我厭倦 〔倦也悶〕在某天已拒絕再玩
-張國榮 拒絕再玩
(我知首歌唔係講友情 係講上床 但係都apply喺我身上lol)